Билеттер тек бір бағытқа сатылады. Яғни, «бару» және «қайту» шаттлдарын пайдаланғыңыз келсе, екі бөлек билет алу керек: Алматы — Бірінші мамыр тоғаны (қажет уақыт слоты) және бөлек Бірінші мамыр тоғаны — Алматы.

Шаттлдар «Байқоңыр» метро станциясынан (Балуан Шолақ спорт кешеніне қарсы беттегі автотұрақ — Байтұрсынов көшесі мен Абай даңғылы қиылысы) жүреді. Фестиваль аяқталған соң шаттлдар осы жерге қайта келеді.

Биыл да фестиваль өтетін орынға және кері қайтуға Алматы — Бірінші мамыр тоғаны — Алматы бағыты бойынша экспресс-шаттлдар қатынайды.

Автобустар толуына қарай 4 және 5 қыркүйекте сағат 14:00–20:00 аралығында, 6 және 7 қыркүйекте сағат 11:00–19:00 аралығында жолға шығады. Әрбір қонақ өзіне қолайлы уақытта жетіп алуы үшін билеттер екі сағаттық уақыт айырмасына бөлінген.

ресми серіктестер

Ақпараттық серіктестер

4 қыркүйек

19:40

Британ музыкасының алыбы, бірнеше толқынның үніне айналған әртіс. Robbie Williams — әйгілі Take That бойбэндінің бұрынғы мүшесі әрі поп-музыка тарихындағы ең табысты әртістің бірі. Оның Angels, Feel және Rock DJ әндерінің әрбірі 2000 жылдардың басында әнұранға айналып, әлі күнге дейін стадиондарда, фильмдер мен ғашықтартың плейлисінде шырқалып жүр. Оның Intensive Care туры Гиннестің рекордтар кітабына енген — небәрі бір тәулікте 1,6 миллион билет сатылып кеткен!

2025 жылы Robbie Williams британ музыкасының 90-жылдардағы алтын дәуірінен шабыт алған Britpop атты альбомымен сахнаға оралды. Тони Айоммимен бірлесе жазған алғашқы Rocket синглі қазірдің өзінде хитке айналып үлгерді. Бұл әнді Park Live Almaty сахнасынан тыңдауға болады.

4 қыркүйек

18:00

Трип-хоп жанрында отыз жылдай өнер көрсетіп, аты аңызға айналған топ. Олар даунтемпо, соул мен грувты тоғыстырған бірегей үнімен көпке белгілі. The Sea, Rome Wasn’t Built in a Day және Otherwise сияқты әндері классикаға айналған. Ал 2025 жылы топ Escape the Chaos атты жаңа альбомын шығарды. Бұл үнтаспада жаңа дауыстар да, топтың бұрыннан белгілі стилі де байқалған. Park Live Almaty сахнасында Morcheeba тарих пен келешекті бір ырғақта кездестіреді.

4 қыркүйек

16:45

Қазақстандағы жаңа сахнаның ең жарқын дауыстың бірі — Ayau. Ол 2022 жылы «Жабық клуб» лейблінде алғаш рет өнер көрсетіп, sybyrlaiyn <3 трегімен танылды. Бұл ән лезде көпке таралып, жергілікті жаңа толқын музыкасының символына айналды. Ол R&B, соул мен төл үнін шебер тоғыстырып, нәзік те тылсым музыкалық өрнек салады. Ayau — қазақ сахнасының бүгіні ғана емес, болашағы да.

5 қыркүйек

20:30

Маска, капюшон және еліктіретін бит — 2015 жылы Alan Walker тап осылай жарқ етіп еді. Норвегиялық электронды продюсер Faded трегімен әлемге танылды. Оның әндері 50 миллиардтан көп рет тыңдалған, өзі Sia, Ava Max және Ханс Циммермен жұмыс істеген, Coachella мен Tomorrowland сахналарындағы өнер көрсеткен, өзінің Walkerverse атты турымен де әлемді шарлап жүреді.

5 қыркүйек

19:00

Жаңа буын хип-хопының ең жарқын өкілдерінің бірі — Rae — Sremmurd дуэтінің мүшесі және French Montana-мен Unforgettable және Post Malone-мен бірге Sunflower сияқты культке айналған тректерді жазған. Екінші трек — Spotify тарихындағы ең көп тыңдалған әндердің бірі. Оның Madonna, Tyga, Lil Wayne, Skrillex және Pharrell Williams-пен фиттері бар. Rae бірнеше рет «Грэмми» сыйлығына ұсынылып, әлем бойынша оны ай сайын ондаған миллион адам тыңдайды.

5 қыркүйек

18:00

Қазақстандық хип-хоп жаңа толқынының екі жарқын өкілі — терең лирика, батыл биттер мен бірегей дыбысын тоғыстырған орындаушылар. De Lacure кешті ашып, эмоциялық вокалы мен өзгеше әуені үйлескен авторлық тректерін орындайды. Артынша сахнаға харизмасы мен экспрессияға толы рэпер V $ X V PRiNCE шығады. Ол интернетте кеңінен танылып, YouTube-та әндері миллиондаған қаралым жинап, лық толы залдарда концерт қойып жүр. Олардың дуэті — сахнадағы үйлесім, шынайы мәтіндер және Алматы көшелерінің ырғағымен үндес музыка.

6 қыркүйек

21:00

Тарихтағы ең қайшылыққа толы, даулы да сәнді әртістің бірі. Marilyn Manson 90-жылдардың басынан бері тыңдарманды таңырқатып, оны арандататып, қалыпқа сыймайтын өнерін танытып келеді. Оның альбомдары бірнеше толқын тыңдарманның саундтрегіне айналса, хиттері мәңгілікке музыка тарихына енген.

6 қыркүйек

19:30

Мыңжылдық мәдениет пен заманауи рокты тоғыстырған моңғол сенсациясы. The Hu тобы моңғолдың моринхур мен товшур сияқты ұлттық аспаптарында ойнап, көмеймен ән салып, hunnu rock деп аталатын өзіндік стилін қалыптастырған. Олардың тректері фильмдер мен сериалдарда шырқалып жүр, ал концерт бергенде әлемнің түкпір-түкпіріндегі стадиондар лық толады.

6 қыркүйек

18:00

Нью-Делиден шыққан үнді металл тобы осы жанр туралы түсінікті түбегейлі өзгертіп тастады. Bloodywood алғашында YouTube-та каверлерімен танылып, бүгінде әлемдік ірі фестивальдерде жарып жүр. Олардың музыкасы — хинди, ағылшын және пенджаби тілдеріндегі мәтіндермен әрленген фолк, ню-метал мен рэпкордың естен тандырар үйлесімі. 2025 жылы топ Nu Delhi атты жаңа альбомын шығарған.

6 қыркүйек

16:50

Айрықша арт-панк-әнұрандарының авторы Shortparis үнемі шығармашылық эксперименттер жасап, әлемнің түкпір-түкпірінде мыңдаған тыңдарман жинайды. Олардың жанды дауыстағы өнері қарапайым концерт шеңберінен шығып, заманауи өнердегі перформанстарға ұқсап кетеді. Клубтық концерттердің қалыптасқан жүйесіне сынай қарайтын Shortparis қаңырап тұрған өндіріс ғимараттарынан бастап азық-түлік дүкендеріне дейінгі кез келген алаңда өнер көрсетеді.

6 қыркүйек

16:00

Көне түркі музыкасын заманауи сахна өнеріне айналдырған қазақстандық этно-фольклор ансамблі. Ұжым көмеймен ән айтуды сирек кездесетін ұлттық аспаптар үнімен, сондай-ақ қуатты энергетикасын аутентик визуал стилімен шебер үйлестірген.

7 қыркүйек

Норвегиялық дуэт жиырма жылдан аса уақыттан бері Скандинавия электроникасына тән дыбысты қалыптастырып келеді. Маскасы, дыбысы мен көңіл-күйі құбылып отырса да, топ келешектің атмосферасы сезілетін музыка жазуынан жаңылған емес. Melody A.M. атты дебют альбомы топты әлемге танытса, Robyn, Lykke Li және Susanne Sundfør сынды әртістермен бірлескен жұмыстары дуэтті жанр новаторлары ретінде шегелеп берді. Röyksopp тобының әр сахнаға шығуы — визуал перформанстың, костюмдер мен өзге әлемге жетелейтін саяхаттың синтезі.

7 қыркүйек

Электронды музыкадағы жаңа толқынның үніне айналған британдық әнші әрі продюсер. Оның Cola хиті әлем чарттарында көш бастап, Грэмми сыйлығын алса, Jungle, Diplo және RÜFÜS DU SOL-мен серіктестігі оның жоғары деңгейдегі музыкант екенін тағы бір дәлелдеді.

7 қыркүйек

Амстердамдық Weval дуэті музыкасында электроника, фанк пен кинематографиялық әуендерді тоғыстырады. Олардың тректерін эмоция мен ырғақтың биі дейтіндер көп, ал өздері әлемнің үздік фестивальдерінде өнер көрсетіп жүр. Park Live Almaty сахнасында олар өзінің танымал релизі — Changed For The Better-ді шырқамақ.

7 қыркүйек

Шығыс Еуропа синти-попы мен электроникасының жарқын дауысы. Kedr Livanskiy деген лақап атпен танылған Яна Кедринаның басты туындылары — 90-жылдардың поп-музыкасына тән меланхолия мен британдық рейвке тән қуаттың үйлесімі. Kedr Livanskiy Primavera, Flow, Pitchfork-та өнер көрсеткен, америкалық 2MR лейблімен альбомдарын шығарған.

7 қыркүйек

Edigee — өзін ешбір жанрдың шеңберіне сыйғызбайтын, бірақ бірегей стилімен аты шыққан музыкант. Оның зор қуат сезілетін сеттері ырғақты ұрмалы дыбыстар мен шығыс әуезіне бай. Бұл әуендер Орталық Азияның терең үнін жеткізеді. Өнерпаз аймақтың мәдени мұрасынан шабыт алып, оның үнін заманауи музыкалық бағыттармен шебер тоғыстырады.